小兒眼瘡

狗年第一日開診，就有一位相熟的3歲小朋友來睇眼瘡（眼挑針）。

（唔使多講，都是新年飲食煎炸熱氣惹的禍！）

父母都好緊張，唔知會唔會影響視力？又怕會反复發作，最終要麻醉捱一刀割瘡。

 

其實眼瘡的成因和暗瘡差不多。是眼瞼的毛囊皮脂堵塞，令毛囊發炎腫脹，一般不會很痛，但如果紅腫疼痛明顯，多數伴有細菌感染，內含膿疱。 不過這一般不會影響視力，只是眼瘡腫大，或多或少會影響視覺。

 

在中醫角度，眼瘡是肝脾積熱。 肝開竅於目，眼瞼從經絡上屬脾胃，飲食過於辛辣煎炸熱氣，是誘發小兒眼瘡的常見病因。加上經常「捽眼」，增加受感染的風險，也會加病情。

 

醫治眼瘡並不太難. 在初期時可局部暖敷（野菊花，夏枯草煲水）加按摩，促進氣血循環，加快消腫排膿。要注意的是每日至少暖敷3-4次，堅持一至2周，這樣初起的眼瘡才容易不藥而癒。

 

不過這位小朋友錯過了初期暖敷的時機，所以當佢問起可否食雞蛋仔時，我只好堅決地say no。其實種種會加重病情的因素，即使一小塊餅干、朱古力，作為父母的都要把好關，堅決拒絕。否則寶貝要捱刀割瘡，心痛的只有自己了。

 

中藥處方一些調理脾胃，加上疏風清熱、散結明目的野菊花、夏枯草、蟬蛻等中藥去治療。再配合飲食節制，勤洗手保持眼部清潔，眼瘡很快便會消失了。

 

#如成人患眼瘡，可配合針灸，療效會快好多架！